UBT CERT konfiguron dhe menaxhon brenda infrastrukturës së UBT-së mbi 400 laboratorë virtualë të sigurisë kibernetike — ambiente të izoluara me makina qëllimisht të cenueshme për aftësim praktik ofensiv dhe defensiv.
UBT Cyberlab është një mjedis i dedikuar aftësimit praktik ku UBT CERT konfiguron, vendos dhe mirëmban makina virtuale qëllimisht të cenueshme (Intentionally Vulnerable Machines) brenda rrjetit të siguruar të UBT-së.
Studentët fitojnë qasje në laboratorë nëpërmjet VPN të kontrolluar, duke punuar në skenarë realë pa rrezik për infrastrukturën prodhuese.
Siguria kibernetike nuk mësohet vetëm nga librat. Cyberlab ofron eksperiencën reale: hak real, analizë malware reale, hetim incidentesh real — të gjitha në mjedis ligjërisht të kontrolluar.
Studentët dalin nga UBT me aftësi të demonstrueshme dhe mendësi të provuar — jo vetëm diploma.
Secili laborator është ndërtuar me skenarë realë, nivele vështirësie progresive dhe rrugë të strukturuara mësimdhënieje.
Laboratorë të dedikuar testimit të sigurisë së aplikacioneve web. Nga dobësitë OWASP Top 10 deri te teknikat e avancuara të bypass-it të autentikimit dhe eskalimit të privilegeve.
Skenarë realë të pentestimit të rrjeteve — nga zbulimi i hostëve dhe shërbimeve deri te shfrytëzimi i dobësive të protokolleve, lëvizja laterale dhe eskalimi i privilegeve.
Laboratorë të hetimit digjital ku studentët analizojnë artefakte nga sistemet e komprometuara, rivendosin të dhëna të fshira, analizojnë memory dumps dhe ndërtojnë kronologji incidentesh.
Skenarë të plota të reagimit ndaj incidenteve kibernetike — nga zbulimi i parë i anomalisë deri te izolimi, çrrënjosja dhe rikuperimi i sistemeve. Ushtrime live me SIEM dhe EDR.
Laboratorë të automatizimit të proceseve të sigurisë dhe orkestrimit të veglave. Studentët ndërtojnë playbooks, automatizojnë reagimin ndaj incidenteve dhe integrojnë platforma SIEM/EDR me zgjidhje SOAR.
Laboratorë të forcimit të sistemeve — Windows Server, Linux, Active Directory, infrastruktura cloud. Studentët zbatojnë CIS benchmarks, konfigurojnë firewall dhe politika sigurie të nivelit enterprise.
Cyberlab është organizuar në tri rrugë aftësimi të ndërlidhura, duke mbuluar të gjitha aspektet e sigurisë kibernetike moderne.
Aftësi offensive — mëso si mendojnë dhe veprojnë sulmuesit. Ideal për studentët që synojnë karrierë si Penetration Tester ose Red Team Operator.
Aftësi defensive — zbulimi, monitorimi dhe reagimi ndaj kërcënimeve. Rruga e preferuar për SOC Analyst, DFIR Investigator dhe Threat Hunter.
Bashkëpunimi i ekipeve offensive dhe defensive — ushtrime të koordinuara ku Red dhe Blue Teams punojnë bashkë për të forcuar qëndrueshmërinë e sistemeve.
Procesi është i thjeshtë, i siguruar dhe i disponueshëm 24/7 për studentët e UBT-së.
Qasja në Cyberlab është ekskluzive për studentët e UBT-së, nëpërmjet sistemit institucional të autentikimit.
Laboratorët janë të aksesueshëm ekskluzivisht brenda rrjetit lokal (LAN) të UBT-së. Kyçuni me kredencialet tuaja institucionale nëpërmjet platformës interne.
Shfleto katalogun e laboratorëve sipas domenës, nivelit të vështirësisë (Easy / Medium / Hard / Expert) dhe track-ut të preferuar.
Zgjidh sfida, ndërto aftësi reale dhe ngjit shkallën e kompetencës. Progresi dhe arritjet regjistrohen automatikisht.
Kontakto UBT CERT për informacion mbi programin Cyberlab dhe mënyrën e aksesit.